أفيدونى للأهمية بإيصالات مزورة و قائمة منقولات

المضوع يختصر فى أن زوجتى التى أنا منفصل عنها من سنتين ونصف لها أربع إخوات شغالين فى المحكمة الإبتدائة بالشرقية واحد بالنيابة و3 فى المحكمة وحين أخذت براءة من جنحة تبديد المنقولات بدأوا فى الإنتقام منى ومن والدى
حيث ذهبوا لمحامى من القاهرة لإذائى أنا ووالدى وتم رفع 10 وصلات أمانة بإسم شخص واحد على ورفع 5 إيصالات أمانة بإسم بنت على ولدى
الناس دى مانعرفهاش حتى توكيلتهم لهذا المحامى من خمس سنوات ومفيش عنواين ليهم فى التوكيلات إلا إنهم من مركز شبين والثانية من فاقوس ... المهم قدموا القواضى دى فى محكمتهم وأخذوا علينا أحكام غيابية أنا ووالدى وتم عمل معارضات وتم تحويلها لجلسات فى شهر 12 القادم ....... ومكتفوش 4 أخوات بكدا بل قاموا بإعلانى على يد محضر بتسليم المنقولات الزوجية اللى أنا واخد فيها براءة أصلا من جنح الإستئناف ببلبيس وبنفس قائمة المنقولات هى هى .......
ربنا يكرمكم ويعزكم ده يرضى ربنا مش عارف أجيب اللى اشتكانى أنا ووالدى بالوصلات الأمانة ولا عارف طريقهم
وخايف القاضى يوم الجلسات يصر على إجبارى بالطعن على التزوير فى كل إيصال وأنا مش عارف الناس المأجورة دى منين أصلاً
وعيز أعرف كمان هل يحق لهم رفع دعوى جنحة تبديد ثانية بنفس صورة القايمة القديمة اللى أنا واخد فيها براءة
أفيدونى أفادكم الله وجعله فى ميزان حسناتكم